Plantun de Prouvènço

Pèr coumpara dos planto d'encò nostre

Teucrium scorodonia & Typha laxmannii

Teucrium scorodonia

Lamiaceae Labiaceae

Noms en français : Germandrée scorodoine, Sauge des bois.

Descripcioun :
Aquesto sàuvi dóu gènre Teucrium trachis sus sòu séusous e se vèi dins li bos clar e lis orle de champino. Pèr acò l'atroubarés pas en Prouvènço cauquiero. Se recounèis à si grapo e flour jauno e à si fueio que rapelon aquésti de la sàuvi.

Usanço :
Li flour secado se prenon en tisano e an d'ùni prouprieta (vèire çai-souto).

Port : Pichoto planto lignouso
Taio : 30 à 80 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Teucrium
Famiho : Lamiaceae
Famiho classico : Labiaceae

Ordre : Lamiales

Coulour de la flour : Jauno
Petalo : irreguliero
Ø (o loungour) flour : 9 à 12 mm
Flourido : Printèms - Estiéu

Sòu : Si
Autour basso e auto : 0 à 1700 m
Aparado : Noun
Jun à avoust

Liò : Orle de champino - Bos fres
Estànci : Mesoumediterran à Mountagnard
Couroulougi : Éuroupo-Ouèst
Ref. sc. : Teucrium scorodonia L., 1753

Fielouso(-de-Laxmann)

Typha laxmannii

Typhaceae

Àutri noum : Filouso, Sagno, Masseto.

Nom en français : Massette de Laxmann.

Descripcioun :
Aquesto fielouso o sagno trachis dins li roubino e en ribo d'aigo. La planto es eici pas tant verdalo que si cousino. Pèr la destria mai seguramen fau regarda li fueio que fan de 2 à 5 mm de larg, aleva aquéli di rejit que podon faire fin qu'à 8 mm. Causo impourtanto, lis auriheto di fueio d'en aut soun bèn marcado emé souvènt de pichòti pouncho (vèire la fotò).

Usanço :
Li fueio de fielouso podon èstre utilisado rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.